Chic and Eco-friendly Boxes

I have only a week left before classes start–well, more of before work starts. Inevitably, I have to start preparing for the school year by making lesson plans, thinking of possible studies and researches (since I am in a laboratory school), conceptualizing designs for my classroom, and organizing my teacher-things.

Knowing that I am a such a clutter, I decided to start with organizing.

I saw these boxes of Zesto tetrapacks in our garage. My Naturistic intelligence kicked in and I knew that these boxes would go well with a nice wrapper to work as organizers. I then went to National Bookstore and groped for nice wrappers. I ended up buying four chic wrappers at Php 25 each.

Here are my new boxes.

Advertisements

World Turtle Day

Mula noong taong 2000, ipinagdiriwang  tuwing Mayo 23 ang World Turtle Day upang mas lumaganap ang kaalaman tungkol sa mga pagong at pawikan. Kaya naman humingi ng storyteller o kwentista ang Manila Ocean Park mula sa Alitaptap Storytellers Philippines at ako ang napili nilang ipadala upang magkwento.

Napansin lang ng kapwa ko kwentista na sa Philippine children’s literature kadalasa’y negatibo ang karakter ng mga pagong sa mga sikat na kwento. Nariyan ang Why Do Turtles Carry Their Homes kung saan ganid o greedy ang pagong. Nariyan rin ang Alamat ng Pagong kung saan naging pagong ang mga magnanakaw bilang parusa. Isama pa diyan ang Ang Bugnuting Pagong kung saan mayabang at masungit ang pagong.

Buti na lamang nariyan ang Si Pagong at si Matsing, kung saan matiyaga at matalino si pagong, at Si Pilandok sa Pulo ng mga Pawikan kung saan iniligtas ni Pilandok ang mga itlog ng mga pawikan. Ang huling binanggit ang siyang umangkop sa pagdiriwang kaya naman iyon rin ang aking ikwinento.

Maayos naman ang naging pagkwento bagamat medyo pagod na ata ang mga batang aking kwinentuhan sa paglakad sa Ocean Park. Natapos ang kwentuhan sa pamamagitan ng pagsusulat sa mga itlog na papel ng mga mensahe para sa mga pawikan.

Para sa storytelling na ito, binigyan ako ng dalawang complimentary tickets sa Manila Ocean Park. Pinaalala rin sa aking ang kaibahan ng pagong sa pawikan. Naipapasok ng mga pagong ang kanilang ulo at mga galamay papasok sa kanilang shell samantalang hindi ito kayang gawin ng pawikan. Mas mabilis namang lumangoy ang mga pawikan kaysa sa mga pagon.

Pagkatapos ng masayang araw ni ito, isa na lang ang hindi ko pa rin alam. Ano nga ba ang tunog na ginagawa ng mga pagong?

Si Totoy Guro

  • Pangalan: Totoy Guro
  • Edad: 21
  • Interes: Outdoor activities, storytelling, isports, musika (lalu na ang pagtugtog ng piano), mga paguusap at diskusyon, mga libro, tsaa, at pagkain.
  • Tirahan pang-global: Philippine Village
  • Ideolohiya: humanistic, 60% konserbatibo, 40% liberal
  • Mga Lengwaheng alam: Ingles, Filipino, konting Pranses, at mas konting Latin

Panibagong blog, panibagong pakikipagsapalaran sa sistemang pang-edukasyon dito sa mahal kong bayan.

Sa darating na Hunyo ay magsisimula na akong magturo. Hindi bilang isang student teacher katulad noong nakaraang semestre ngunit bilang isang ganap na guro. Kaya naman nararapat lamang na simulan ko itong blog na ito na lalaman ng aking  mga pakikipagsapalaran bilang isang guro. Sa blog na ito matatagpuan ang aking mga ideya bilang isang guro sa loob ng classroom at paaralan at bilang isang simpleng nilalang na may buhay rin naman sa labas ng classroom at paaralan.

Kaya naman naisipan kong salitang totoy ang idikit sa salitang guro upang ipahiwatig ang aking pagiging baguhan sa larangan ng pagtuturo.

Ang salitang totoy ay madalas gamitin para sa mga batang kalalakihan na hindi pa tunay na marunong sa buhay–nariyan ang mga simpleng pagkakamali, pagkalimot ng mga dapat gawin, minsan katamaran, minsan ay lubos na pagkasabik at kung anu ano pa. Subalit, hindi nangngahulugang  ganito na lamang ang magiging buhay ng isang totoy sapagkat ang salitang ito ay kumakatawan rin sa isang batang may potensyal at likas na mapagisip, mapagpuna, at mapanaliksik ngunit nangangailangan pa ng paghubog ng panahon at karanasan.

Kinalaunan, ako ay tatanda ngunit batid kong hindi mawala ang aking pagiging totoy pagdating sa pagtuklas ng maraming-maraming kaalaman lalu na sa bokasyon ng pagtuturo.

Hindi na ako makapaghintay! Magiging masaya ito!